Ledige stillingar

Ettersom ein av dei dyktige psykologane våre går ut i permisjon snart, søkjer me no etter psykolog til eit vikariat i 100% ved allmennpoliklinikken, med moglegheit til forlenging. Søknader vert handtert fortløpande.

Som psykolog hjå oss får du god tid til pasientretta arbeid og du blir del av eit tverrfagleg team med dyktige fagpersonar. Allmennpoliklinikken består av psykologar og psykologspesialistar, overlegar, legar i spesialisering, sjukepleiarar, psykomotorisk fysioterapeut, ergoterapeut, sosionom og sekretærar. Psykologspesialistene hjå oss har videreutdanning i emosjonsfokusert terapi og ISTDP, og dei fleste tilsette har ein eller fleire videreutdanninger/kurs i spesifikke metodar som MBT, CBT, CBT-E og EMDR. Du vil få tilbod om å starta på eit spesialiseringsløp i klinisk vaksenpsykologi med veiledning, og me legg til rette for at psykologene våre får høve til å gjennomføre nødvendig praksis på døgnavdelinga vår, samt praksis med barn og unge via eit samarbeid med BUP Voss. I tillegg får du halde deg fagleg oppdatert gjennom faste internundervisningar og kompetanseheving i tråd med kompetanseplanen for poliklinikken.

Ettersom me er eit privat eigd senter, er det korte avstander mellom administrasjonen og behandlarane, og me samarbeider tett og godt. Me har faste behandlarmøter, eigne psykologmøter og er delt opp i to faste team med god tid til å drøfte saker og problemstillingar.

Hjå oss legg me vekt på å ha opne dører og tek godt imot nye tilsette. Som eit mindre senter lærer me kvarandre å kjenna og arbeidsmiljøet vårt er svært godt! Alt frå faglitteratur til fjellsport blir diskutert over ein utsøkt lunsj laga av dei dyktige kokkane våre. Når vêret tillèt det nyt me gjerne lunsjen ute i sola.

Som tilsett blir du godt kjent med den vakre bygda Voss, som ligg midt i smørauget av dei beste naturopplevingane Vestlandet har å by på, og i tillegg har eit rikt og spanande kulturtilbod, med fleire festivalar og faste arrangement. Med toget kjem du deg enkelt og miljøvennleg til både Oslo og Bergen.

Det er moglegheit for å få deler av reisetida inkludert i arbeidstida ved pendling og me har gode pensjons- og forsikringsordningar i KLP.

Du - fagleg engasjert, varm og trygg i møte med andre menneske!

Har du norsk autorisasjon som psykolog, ønskjer å spesialisere deg innan vaksenpsykologi, trives med ein sosial gjeng og er glad i travle dagar, kan du vera akkurat den me ser etter. Då du i stor grad styrer din eigen kvardag er det viktig at du er strukturert, kan planleggja godt og toler å stå i krevjande situasjonar. For å trivast hjå oss er det viktig at du liker tverrfagleg arbeid. Personlege eigenskapar vert vektlagt. Me oppfordrer menn til å søke.

Blir du lokka av ein variert kvardag med gode utviklingsmoglegheiter, og kjenner deg klar for å ta steget vidare i karrieren din? Då vil me gjerne høyra frå deg! Er det noko som er uklart? Ta gjerne kontakt.

Arbeidsoppgåver

• Vurdering, utgreiing og behandling av pasientar med eit vidt spekter av psykiske lidingar av moderat til alvorleg grad.

• Tverrfagleg samarbeid internt og samarbeid med fyrstelinja.

• Dokumentasjon ihht. interne og eksterne retningslinjer og krav.

• Bidra til fagutvikling og eit godt arbeidsmiljø.

• Veiledning av fyrstelinja.

Kvalifikasjonar

• Norsk autorisasjon som psykolog.

• Relevant klinisk erfaring er ønskeleg.

• Særs gode kunnskapar i norsk, både munnleg og skriftleg.

• Gode samarbeidsevner.

Me tilbyr

• Løn etter avtale.

• Gode pensjons- og forsikringsordningar i KLP.

• Moderne lokale.

• Fleksitid.

• Eit godt arbeidsmiljø (dokumentert).

• Jamnlege sosiale arrangement.

• Høgt fagleg nivå.

• Fagleg og personleg utvikling.

• Moglegheit for deler av reisetid i arbeidstid ved pendling.

Søknadsfrist: snarast.

Tiltredingsdato: etter avtale.

Ved spørsmål om stillinga kan du kontakta:

• Anders Christensen, avdelingsleiar poliklinikkane, tlf: 56514000.

• Bjørg Synnøve Aasan, teamleiar allmennpoliklinikken, tlf: 56514000.

Ledig stilling som LIS / overlege 

Vi har ledig 100% fast stilling ved Voss DPS NKS Bjørkeli og lyser etter LIS3, men vi er også interessert i eventuell overlege. 

Som LIS hjå oss får du god tid til pasientretta arbeid, og du inngår i eit utdanningsløp med rettleiing, undervisning, fordjupingstid og kurs som er i tråd med løpet for å bli spesialist i psykiatri. Du får tilbod om individuell psykoterapirettleiing innan psykodynamisk terapi, og har moglegheit til å fordjupe deg vidare i psykodynamisk-, kognitiv- eller gruppe. Vi har stort fokus på undervisning og læring, og at du skal få gjennomført dei obligatoriske læringsaktivitetane du treng. Du kan ta fire år lokalt, og vi har avtale med Sandviken sjukehus om eitt års akutt-teneste. Dermed kan du få dekka alle læringsmål hjå oss. Arbeidstida som LIS er 08.00 til 15.30, og du inngår i ei vaktordning som for tida er sju-delt med heimevakt, og du vil alltid ha støtte frå erfarne kollegaer og bakvakt.  

Du får halde deg oppdatert fagleg gjennom faste internundervisningar og felles kompetanseheving innan ulike tema. Du blir ein del av eit tverrfagleg team med dyktige fagpersonar, og får delta i faste behandlarmøter og mindre team med god tid til å drøfte saker og problemstillingar. Vi har gode ordningar for fordjupningsdagar og deltaking på kurs som del av spesialiseringa. 

Vi har opne dører og tek godt imot nye tilsette hjå oss, og som eit mindre senter lærer vi kvarandre å kjenna. Vi har eit svært godt arbeidsmiljø og fagmiljø, og alt frå faglitteratur til fjellsport blir diskutert over ein utsøkt lunsj laga av dei dyktige kokkane våre. Når vêret tillèt det nyt vi gjerne lunsjen ute i sola! 

Som tilsett blir du godt kjend med den vakre bygda Voss, som ligg midt i smørauget av dei beste naturopplevingane Vestlandet har å by på, og i tillegg har eit rikt og spanande kulturtilbod, med fleire festivalar og faste arrangement. Med toget kjem du deg enkelt og miljøvennleg til både Oslo og Bergen, noko som passar godt då vi innehar miljøfyrtårn sertifisering.  

Det er moglegheit for å få deler av reisetida inkludert i arbeidstida ved pendling, og me har gode pensjons- og forsikringsordningar i KLP.  

Du - fagleg engasjert, varm og trygg i møte med andre menneske! 

Har du norsk autorisasjon som lege, ønsker å spesialisere deg innan psykiatri (eller er ferdig med spesialisering), trivst med ein sosial gjeng og er glad i travle dagar, kan du vera akkurat den vi ser etter. Då du i stor grad styrer din eigen kvardag er det viktig at du er strukturert, kan planleggja godt og toler å stå i krevjande situasjonar. For å trivast hjå oss er det viktig at du liker tverrfagleg arbeid. Personlege eigenskapar vert vektlagt. 

Blir du lokka av ein variert kvardag med gode utviklingsmoglegheiter, eit godt arbeidsmiljø og kjenner deg klar for å ta steget vidare i karrieren din? Då vil vi gjerne høyra frå deg! Er det noko som er uklart? Ta gjerne kontakt. 

Arbeidsoppgåver 

• Vurdering, utgreiing og behandling av pasientar med eit vidt spekter av psykiske lidingar. 

• Tverrfagleg samarbeid internt og samarbeid med fyrstelinja. 

• Dokumentere ihht. interne retningslinjer og krav. 

• Bidra til fagutvikling og eit godt arbeidsmiljø. 

• Rettleie fyrstelinja. 

Kvalifikasjonar 

• Norsk autorisasjon som lege er eit krav 

• Interesse for faget 

• Relevant klinisk erfaring er ønskeleg 

• Må beherske norsk skriftleg og munnleg 

• Gode samarbeidsevner 

• ALIS oppfordrast til å søke 

• Er du i LIS 1 forløp og ønsker fast stilling innan psykiatri kan det vere aktuelt for oss å tilsette også fram i tid 

Me tilbyr 

• Stillingsbrøk 100% 

• Varierte og utfordrande arbeidsoppgåver i eit aktivt fagmiljø 

• Kurs og rettleiing 

• Individuell utdanningsplan 

• Vekentleg rettleiing, undervisning og fordjupingstid 

• Fadderordning 

• Internundervisning og lokale rettleiingsgrupper 

• Moderne lokale 

• Løn etter avtale 

• Gode pensjons- og forsikringsordningar i KLP 

• Moglegheit for deler av reisetid i arbeidstid ved pendling 

• Trening i arbeidstida 

• Dokumentasjon skjer på valfri målform (nynorsk/bokmål) 

• Eit godt arbeidsmiljø 

Tiltredingsdato: etter avtale. 

Søknad m/CV kan sendast: post@bjorkeli.no  

Ved spørsmål om stillinga kan du kontakte: 

• Vegard Kolve, direktør, tlf: 56514000, vegard.stalheim.kolve@bjorkeli.no  

• Anders Christensen, avdelingsleiar poliklinikk, tlf: 56514000, anders.ovsthus.christensen@bjorkeli.no 

• Tillitsvald DNLF / YLF: Solveig Andersen Styve, 56514000