Vi tilrår at du alltid nyttar siste versjon av nettlesaren din.
Psykoedukasjon
Psykoedukasjon er ei behandlingsform der pasientar og deira pårørande får kunnskap og informasjon omkring ein spesifikk diagnose. Behandlinga skal gi realistiske forventningar til betring og prognose, informasjon og ei slags undervisning i den aktuelle lidinga.
Mål
Hensikt er at pasientar og deira pårørande skal få kunnskap om korleis dei kan meistre sjukdommen på best mogleg måte i kvardagen. Dei lærer blant anna korleis dei kan kjenne igjen symptom på lidinga, slik at eventuelle tilbakefall kan førebyggast.
Tilvising og vurdering
For å få behandling i spesialisthelsetenesta treng du tilvising. Fastlegen er den som oftast viser til utgreiing og behandling i spesialisthelsetenesta, men det finst også andre helsepersonell som kan tilvise.
Når vi får ei tilvising vil vi på bakgrunn av prioriteringsrettleiaren til Helsedirektoratet "Psykisk helsevern for voksne" vurdere om du har krav på behandling hos oss.
Før
Behandlinga krev inga førebuing.
Under
Det er viktig at du saman med behandlar blir einig om mål for behandlinga. Ein god relasjon til behandlar er viktig for å få god hjelp. Behandlinga inngår som ein del av eit behandlingsforløp.
Etter
Bruk det du har lært i behandlinga. Strategiar for å hindre tilbakefall vil også vere tema i slutten av behandlinga.
