Voss DPS tar i bruk "Tale til utkast"
Voss DPS tar i bruk “Tale til utkast” for å betre dokumentasjonen av helsehjelpa du får. Det betyr at korte lydopptak vert tatt opp under samtalen og omgjort til tekst.
Foto: Voss DPS NKS Bjørkeli
På denne måten vert kunstig intelligens brukt som støtte når behandlaren din skriv journalnotat. Notatet vert lagt inn i journalen din.
Målet er å sikra nøyaktig dokumentasjon og å redusera den administrative tida for helsepersonell.
Personvern og tryggleik
Lydopptaka vert automatisk sletta når dei er omgjort til tekst, fortløpande etter 5–10 sekund. Journalnotatet vert kvalitetssikra og godkjent av behandlar før det vert registrert i journalen din.
Du kan som vanleg sjå journalnotatet ditt på helsenorge.no så snart det er godkjent av behandlaren din.
Alle personopplysningar vert handsama i samsvar med europeisk personvernlovgiving.