Brukarmedverknad

​Alle kvardagar er det morgonmøte i avdelingane. Dette er eit informasjonsmøte der ein oppmuntrar til delaktigheit og innspel.  

​​​Voss DPS er opptatt av brukarmedverknad og ynskjer at tenestene skal ha høg kvalitet og vera tilpassa pasientar og pårørande.

Vi har eit brukarutval som arbeider for gode, likeverdige og brukarorienterte helsetenester. Utvalet skal bidra til at brukarkompetanse vert nytta som grunnlag for planlegging, gjennomføring og evaluering av helsetenestene.

Brukarutvalet består av tre brukarar og to representantar frå Voss DPS. Vi har 4 -6 møter i året der også ein til to inne-liggjande pasientar blir inviterte til å delta. Utvalet representerar pasientar og pårørande og er eit rådgjevande organ for direktør og leiinga ved Voss DPS. 

Informasjon om brukarutvalet

 
Utvalet tek imot innspel frå brukarar og pårørande og bringer det vidare. Ynskjer du kontakt med brukarutvalet kan du senda e-post til post@brukarutvalet.no 
Vi har  postkasse for tilbakemeldingar i resepsjonsområdet og i døgnavdelinga. ​